Skilmálar
Klassískar Fótboltatreyjur
Kt.300875-3789
klassiskar@klassiskar.is
694-6050
Garðaflöt 16-18, 210
Afgreiðsla vöru
Allar pantanir eru afgreiddar eins fljótt og auðið er og komið til sendingaraðila (Afhendingartími frá staðfestum kaupum ætti ekki að taka lengri tíma en 5-7 virka daga að hámarki) . Viðbúið er að afgreiðsla geti tekið lengri tíma þegar um sértilboðsdaga er að ræða. Ef svo ólíklega vill til að vara sé seld (en enn uppsett á síðu) eða finnst ekki á lager áskilur Klassískar fótboltatreyjur sér rétt til að endurgreiða vöruna. Af öllum pöntunum dreift af Póstinum gilda afhendingar- ábyrgðar og flutningsskilmálar Póstsins um afhendingu vörunnar. Lesa má nánar um almenna skilmála Póstsins á vefsíðu póstins.
Viðskiptaskilmálar
Klassískar fótboltatreyjur áskilur sér rétt til að hætta við pantanir til dæmis vegna rangra verðupplýsinga. Einnig áskilur Klassískar fótboltatreyjur sér réttinn að hætta bjóða upp á vörur/vörutegundir fyrirvaralaust.
Öll verð eru birt með virðisaukaskatti en sendingakostnaður er reiknaður þegar gengið er frá pöntun. Greiðslur með debit- og kreditkortum eru alfarið meðhöndlaðar af vefþjónum Straums (straumur.is).
Trúnaður / Öryggisskilmálar
Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin. Upplýsingar verða ekki afhentar þriðja aðila eða auglýstar á netsíðum Klassískra fótboltatreyja nema staðfest leyfi kaupanda sé fyrir því að birta upplýsingar tengdum kaupum á vörum á síðunni eða á annan hátt af Klassískum fótboltatreyjum.
Skila- og endurkröfuréttur
Við vonum að þið séuð ánægð með kaupin á klassísku treyjunni, en ef ekki er ykkur velkomið að skila henni með skiptirétti á kaupverði hennar, eða endurgreiðslu á 80% af kaupverði hennar. Sendingarkostnaður greiðist af kaupanda. Þessi skipti- og endurgreiðsluferli geta orðið að uppfylltum eftirfarandi skilmálum:
Tilkynning um skilabeiðni kaupanda með tölvupósti á klassiskar@klassiskar.com innan 7 daga eftir að treyja berst kaupanda.
Skilavörur þurfa að vera í sama ástandi, óþvegnar og ónotaðar eftir afhendingu til kaupanda. Ef söluaðili telur að þessi viðmið hafi verið brotin þá áskilur hann sér rétt til að minnka eða hafna hámarks endurgreiðslu, sbr. ofangreinda skilmála.
Ástandsmat Söluvara
Fullorðinstreyjur
Þar sem almennt er um notaðar vörur að ræða er mjög mikilvægt að kaupendur átti sig vel á hvernig ástand söluvara er metið til verðs á síðunni. Notaður er einkunnarkvarði sem m.a. stærsta sölusíða í Bretlandi á klassískum fótboltatreyjum notar til verðmats á öllum sínum vörum. Kvarðinn er sýndur hér að neðan með viðeigandi útskýringum:
Eins og ný (10). Treyja sem er annaðhvort ennþá með miðum eða nákvæmlega eins og hún kom úr framleiðslu.
Frábært (9/8). Treyja sem er skráð í frábært ástand er ekki í nógu góðu ástandi til að vera kölluð ný en hún er í mjög góðu ástandi og það sést oftast ekkert á henni.
Mjög gott (7/6). Treyja sem er skráð í mjög gott ástand er ennþá í mjög góðu ástandi en oft er það ein rikking/fáeinar, stærðarmiði ekki í góðu ástandi eða Merking (framan/aftan) er að byrja að skemmast sem að dregur hana niður í ástandi.
Gott (5). Treyja skráð í gott ástand getur hljómað vel en það er ekki almennt þannig (einkunnin er 5 af 10 mögulegum). Ástæður fyrir að treyjan er í þessu ástandi geta verið að hún er með nokkrar rikkingar, merkingar (framan/aftan) eru ekki í góðu ástandi, blettir sem ekki er hægt að þvo úr, oftast eru stærðar miðarnir ekki lengur sýnilegir og saumar geta verið farnir/lausir.
Sæmilegt (4/3). Treyja sem er skráð í sæmilegt ástand er langt frá því að vera í góðu ástandi og hefur en fleiri/meiri galla en er greint frá hér að ofan í Góðu ástandi.
Barnatreyjur
Barnatreyjur fara ekki undir sama ástandsmat og fullorðins treyjur, en svona virkar matið á þeim:
Dýrustu barnatreyjur eru yfirleitt alltaf í topp standi, gamlar og/eða merktar að aftan (Þessir þættir gera þær mun verðmætari).
Ódýrari barnatreyjur eru ekki eins verðmætar annaðhvort vegna þess að þær eru ekki eins gamlar eða ekki eins góðu ástandi. Þær eru sjaldan merktar.
Lög og varnarþing
Samningur þessi er í samræmi við íslensk lög og ákvæði og skilmála þess ber að túlka í samræmi við íslensk lög. Rísi mál eða telji einhver að hann eigi kröfu á hendur netverslun Klassískra Fótboltatreyja á grundvelli þessara ákvæða og skilmála skal því vísað til meðferðar hjá Héraðsdómi Reykjavíkur.